الرئيسية
أحدث الصور
من طرف أتريب الحضارة
أوبريت بالعامية تأليف
م / "جمال شاكرعلي هارون "
مقطع من لوحة بائعة التين للفنان جمال شاكر
ألوان مائية على خشب
مجموعة :
حتا حر إيب ..حتا حريب
إنت تعرف يعني معني الإسم إيه !!
يعني إقليم الوسط ..والنفوذ فيها انبسط ..هيا أتريب الحضارة ..والمنارة ...
مجموعة :
راح ده كله ..مش فاضل غير التلال والخرايب ...
والخرايب مالها نايب
م النهايب
اللي واخدنها ف فرنسا ..قول ولندن ولا بون
يفتنوا بيها العيون
غرب أتريب اللي فاضل
علوا من فوقها المباني
والبلد سموها بنها
مزرعة جميز كبيرة والثمر تدي لجيرانها
مجموعة :
أتريب ...أتريب ...
مجموعة :
مين قال أتريب أتريب !!!
مجموعة :
إحنا أولادكم طلعنا ما لقيناش غير الآثار ..!!
روحتوا فين يا هل المنار !!!
يا منار العلم قولوا روحتوا فين !!!
مجموعة :
احنا نايمين في التوابيت اللي شايفينها هناك
من حجر صوان
من جرانيت الجبل
نقش فوقها مين بقي راح ينكره
واللي بان له منه آخر
راح يبان له أوله
مين ح يشهد إن أتريب كان يتوجها الهرم !!!
فين بقي هو الهرم ؟؟؟
فين بقي هو الهرم ؟؟؟
مجموعة :
دوروا جوة الخرايب
يا ما في الدنيا عجايب !!
مجموعة :
بطلوا ما تدوروش
د الهرم راح وانصرم
كل أحجاره خدوها
يبنوا بيها
أو عليها
خربوا يعني الهرم
خربوه
خلوا طرفه جه في سفحه
طربقوه
يا أمنحتب تعالي
لجل ما تبكي الهرم
دانت بانيه يا بن حابو
دانت عبيت من ترابه
كنت معبود يا مهندس
يا وزير
من نبوغك أللهوك
من جموع الشعب مرفوع
كرموك
مجموعة :
حور يا معبود الجميع
يا للي اسمك شيء بديع
إنت صقر يعني " باز "
أو شاهين
قولي طرت لحد فين !!!
جوة عين الشمس طاير
تحكي ليها ع اللي صاير
أور !! أور !! أور !!
هو : تور
هو تور إسود عظيم
معبود كريم
يحرت الأرض الخصيبة
أرض أتريب الحبيبة
مجموعة :
كل فرعون يخشي أمرك
سابوا أمرك
ولأوامرك
جيش وكان لك من زمان
كان قوامه عشر تلاف
كش منه الكل خاف
مجموعة :
كل قمحك يبقي ليكي
يجبوا م الكل الضرايب إلا انت
للملوك عمرك ما لنتي
مجموعة :
ابن خيتي حب مرة يخضعك
حط سد ف عرض نيلك لجل ما يعطل ملاحة
والفلاحة
سهمه طاش والقمحة طلعت سنبلة
ومسبلة
الرمش الكحيل
وف حضن نيل
مجموعة :
قناع الملكة تاخوتى من كتاب : نهاية مدينة فرعونية
للأستاذ / الحسينى صالح
يا تاخوتي ...يا تاخوتي
إنت زوجة بسماتك
واحنا شايفين بسمتك
فوق محيا موميتك
جوة تابوت حضرتك
كان في أتريب اندفن في المقبرة
يا مأصلة
بس دلوقت انتقل للقاهرة
مجموعة :
روح وشوف الحمامات الرومانية
ما تلاقيش إلا مثيل ف اسكندرية
مجموعة :
هدريان الملك تمثاله لقيوه في الخرايب
أرض أتريب شايلاهوله من زمان
ف اعجب مكان
متحف الرومان خده ف اسكندرية
جاله من اتريب هدية
مجموعة :
ملجأ الأيتام في بنها تحته موجود مقبرة
مواتوام ...الرعمسي...
الرعمسي
الرعمسي
رئيس رماة أتريب في أيام ما كانت عامرة
مجموعة :
النيل يقدم للملك سخم كارع قربان عظيم
اللوحة دي بتقول كده
معناها إيه !!
معناها إيه!!
معناها إيه !!
معناها انهم ما رموش البنت للنيل : عمرهم !!
يا كدبهم
بيشوهوا الماضي الجميل
بيشوهوا الفن الأصيل
دا الكحل جوة المكحلة
ويا المراود يا ولة
وازاي بقي يرموا الكحيل !!
يا عين يا ليلا!!
وعشان كده لزمن أأكد فكرتي
أسأل حورية م اللي ماشيين بالزلع
خفة ودلع
متعصبين بالفل مناديلهم بأوية
والخلاخيل اللي خايلة ع القدم
بنت الهرم
مجموعة :
هزي كورنيشك يا حلوة قولي للخلق الحقيقة والمليقة
الفتاة :
فشر..فشر ..
والله عمره إن كان حصل
لما يرموني هدر
لولي انبدر
تمساح غدر
مين ح يملي ؟؟
مين ح يعجن ؟؟
مين يدجن ؟؟
مين ح يحلب في المجور ؟؟
مين يمسق للطيور؟؟
بتوتنا مين ح يخبزها بدرة ؟؟
والدرة دايما درة
والمشنة مين ح يملاها بعنب ؟؟
واللبن مين راح يخضه ؟؟
أو يرضه ؟؟
في القرب ويصفي زبدة ؟؟
مين يلم الشهد وكيزان العسل ؟؟
مين يحط الجبنة في البلاص وتقدم بالسنة ؟؟
مين ؟؟ مين ؟؟مين ؟؟ مين ؟؟
سرويري يا عين سرويري
والله لدوقكوا فطيري
يدخل علي الفتاة خمس فتيات تحملن أقفاص البرتقال
وترقصن وتندمج الفتاة "بسادة "حاملة الزلعة والإبريق معهن
آه ياسلام ع البرتقان
آخر حلاوة .آن الأوان
يا برتقان حبيبي
جابلي الكردان حبيبي
روحي يا فصوص الشوق
سلميلي علي حبيبي
آدي برتقان
وآدي برتقان
انتاج بلدنا بنها العسل
أصل الحكاية برتقان
ولكل شيء معني
ده برتقان شموتي يا واد
وده سكري
دوق واشتري
وده يا فاوي
يا اللي انت غاوي
وابو سرة يتمايل
ع الفرع لما يميل
والبلدي قال ردوا السلام
آه ياسلام ع البرتقان
آخر حلاوة ..آن الأوان
تخرج الفتيات ما عدا " بسادة " حاملة الزلعة والإبريق ؛
وتدخل خمس فتيات تحمل كل منهن مشنة وقفصا صغيرا له يد طويلة
" تكنة " ممتلئا بالمشمش؛ وترقصن ...
عمار يا مشمش
مشمش عمار
مشمش هدية
مشنة من فوق راس البنية
سجرنا يفرش
بنور مدندش
محلاها فاكهة م القليوبية
..
فكهاني يا عم يا فكهاني
المشمش خدني ووداني
لعمار المشمش ومييه
ميت فل وعشراية عليه
مشمش هدية
محلاها فاكهة م القليوبية
إشي شفتشي
واشي مختشي
واشي خده لحمر منتشي
اشي واشي يا مشمشي
مشمش هدية
محلاها فاكهة م القليوبية
..
أوراق قلوب ومسبسبة
والحبة ناعمة غريبة
سكر وقشطة مدوبة
عمرك قصير ليه يا لوز !!
طب دانت فوق سجرك كنوز
مشمش هدية
محلاها فاكهة م القليوبية
..
مناديل بأوية فوق السجر
والأوية فوق وش القمر
والزهر كان عنده خبر
قال للدهب اطلع وبان
ياللي انت غايب من زمان
مشمش هدية
محلاها فاكهة م القليوبية
..
عصير هنا ولا المربة
وكل ده من خرج حبة
فيها الحلاوة بتستخبي
في كل عام نفس الميعاد
وخيره بيعم البلاد
مشمش هدية
محلاها فاكهة م القليوبية
..
يا حلوة هلي واديني طورة
خفي المشنة من فوق دي أورة
منايا نفسي أرسمها صورة
والزينة ماشية عاوجة المشنة
ملانة فاكهة من طرح جنة
مشمش هدية
محلاها فاكهة م القليوبية
..
تخرج الفتيات وتدخل أخريات تحمل كل منهن مشنة بها حناء ؛
وتهتف إحداهن ـ الحنة الشعنونة ...الحنة البلدي الفرعوني ..من ميت كنانة الحنة يا بنات ...
ثم تبدأ الفتيات في الرقص :
آه ياقدم السعد يا متحني
نقشك زينة
منقوش والنقش جميل فني
صنع ادينا
من ميت كنانة يا حنتنا
يا خايلة في كفوفُ عروستنا
حنوا الكفوف
حنواالقدم
دي حنة شوف
تحلي القدم
حنوا العروسة
حنوها حنوا العريس
حنوه
حنتنا تخرط نور
في كفوف بنات الحور
يا حنة خضرة يا شعنونة
ناقشك فراعنة اللي جابونا
عروسة يوم دخلتها
تملي القدم والكف
سبع قلل في أوضتها
عريسها راح ينزف
بلدي يابلدي يا نا يا وعدي
يا ضفيرة دهب
بلدي يابلدي يانا يا وعدي
وأنا عقلي دهب
دي حنة بلدي انما حنة
خشبها وضفايره مشنة
مشنة تنفع لرغيفك
خضار فواكه علي كيفك
قفاعة للكتاكيت
خد منها للقطاقيط
..
تخرج الفتيات ؛ ما عدا " بسادة " وتدخل أخريات تحملن أقفاص البلح وترقصن:
يا مقمع قوي يا بلحنا
وسباطك بيفرحنا
البنطنطيف متدلي
وسعف من فوقه يا خلي
حياني إنما حياني
وبلحنا رطب وسماني
يا نواية يا متغطية
والطربوش فوق عمية
نفسي ف بلحة رطباية
وأشيل نوايتها معايا
أزرعها ف أرض جنينة
وسعفها يضلي علينا
م المرج يا قمع حلاوة
وحلاوته ولا البقلاوة
احجل يا حزام
طللعني قوام
فوق النخلة
طرح صراحة
فشر الواحة
خارجة وداخلة
يا سعف ياجريد
يا اللي انت بعيد
جابك منجل
عداية قفاص
وبكل مقاس
شوف واتفنجل
@@
يدخل رجل مسن له لحية طويلة يتوكأ علي عكاز طويل
ويبدو بجلباب رث؛ وهنا تخرج الفتيات مهرولات لمجرد رؤيته ؛
ولا تبقي غير بسادة :
الشيخ ـ الحلوة مين ؟؟وليه ما روحتيش زيهم !!!
الفتاة ـ يعني أسيب جدي الكبير من غير ما شوف محتاج لإيه !!حقة تبقي بذمتي قلة نظر...
يجلس العجوز علي الأرض مريحا جذعه إلي جذع شجرة قريبة ؛ وتسقيه الفتاة من إبريقها :
الشيخ ـ أصلك يا بنتي طيبة ..من بيت أصيل ..أتريب بلد أصل وكرم ...رباكي ابوكي ع الأصول...أصل الزمان روح خلاص ...فاضل يادوب حبة زمن ...حبة فتات متلملمين ...الله بقي يرحم زمان ...عارفاني أنا م العمر كام ؟؟
الفتاة ـ كام يا جدي ؟؟
الشيخ ـ المية فوقهم نصهم !!
الفتاة ـ بالذمة إيه !!
الشيخ ـ آي والنبي ..ومراتي ماتت من زمان ...حتي العيال ماتم كمان ..ما فضلش من عيلتي يدوب إلا أنا ..قاعد وحيد..والظاهر إن الرب نفذ للعباد كل الدعا ....
الفتاة ـ إيه الدعا !!
الشيخ ـ اكمني طيب مستقيم ؛ وكمان كريم ؛ كان كل واحد يدعي لجل ما يطول حياتي ؛ وآديها طولت بالقوي ...ربك قوي ...والحلوة ..بدستور ...متجوزة ؟؟
الفتاة ـ أبدا يا جدي والنبي ...حبيت جدع طيب أمير ..أخلصت له من كام سنة ..لكن بقي ما طلبش إيدي لوقتنا !!
الشيخ ـ كفي الله الشر ..ليه !!!
الفتاة ـ الإيد قصيرة ...فين شبكته !! فين الدهب !!
الشيخ ـ إكمنك انت طيبة ؛ ح بوح بسري لجل بنتي ...
الفتاة ـ قول يا جدي قول ...
الشيخ ـ أنا من زمان شايل دهب ...
الفتاة ـ شايل دهب !!!
الشيخ ـ أيوه ...وطي صوتك ..دمفيش جدار من غير ودان ..بفحت في مرة جوة داري من زمن ..قومت التقيت زلعة عجب !!وفتحتها ..طلع الدهب عمال بيضوي ..اسمع يا بنتي عن جدتي إن كان فيه معبودين ؛ واحد اسمه " حر " والتاني "تور " اسود جميل ...كانوا يعني يقدسوه ؛ ويوهبوه حتي الدهب ...ما هو برضه خلقة ربنا خلقة شريفة ؛ كان بيحرت أرضنا ...القمح يطلع في السنابل زي لولي بينبدر ...قالت كمان كان فيه أمير اسمه " أمرني فتاح " ...فينك ياجدة تحكي اللي كان واتفق !! قالت لي إن أتريب كان من فوقيها تلال كتير !! عشرين ..كان فيه هرم بيحجوا ليه ..كان يا بنتي وياما كان ..المهم ...طلع الدهب كله حناش ؛ وفصوص فروز...وكمان ياقوت ...بعت اللي بعته في الخفي لواحد غني جاي من فرنسا ؛ مفضلش غير كردان عجب ؛ وكمان معاه حبة أساور صنع مصري م الفراعنة ...ح اديهملك ...أصلك انت زي بنتي ؛ أما أنا كام خطوة ولقبر العدم ...
يخرج الشيخ متوكئا علي عكازه وعلي الفتاة بسادة ؛ ثم يدخل مجموعة من الشباب والفتيات ومعهم بسادة وقد زينت بذهب قدماء المصرييين؛ يشرع الجميع في الرقص ....
يا حلوة زاينك دهب
والخد رماني
يالي جمالك عجب
آهين وآه ياني
..
نجم السما م السما
نازل وبيهني
قال سمرة ومسمسمة
والكعب متحني
شوف قدها شوف شوف
مين زيها شوف شوف
يا حلوة زاينك دهب
والخد رماني
يا للي سمارك عجب
آهين وآه ياني
..
العود السارح جارح
والشعر ف طولك سارح
وعيونها عيون غزالان
وخدود حب الرمان
يا مسك ياجاوي يا عنبر
يا فل يا ورد معطر
الحلوة دي من أتريب
وجمالها للقلب طبيب
شعرك مصفوف ضفاير
البنت المعجبانية
فجرك هل ببشاير
والعيشة معاك هنية
شوف قدها شوف شوف
مين زيها شوف شوف
يا حلوة زاينك دهب
والخد رماني
يا للي جمالك عجب
آهين وآه ياني
..
من فور انتهاء الرقص : يدخل درويش علي الفتيات والشباب الراقص
وهو يهز مبخرته وقد انبعث منها دخان البخور
كلام بترتيب من عهد ثمود وعاد
الرزق مش بالفصاحة
دي أصلها أوعاد
يا للي علي خدودك صحون لوراد
توهت عقلي ونستني جميع لوراد
حي ...حي ...
يستجيب الراقصون للدرويش ويندمجون معه في الغناء والرقص ..
المجموعة :
حي وحي وحي وحي
جاوي بخورك ماله زي
الدرويش :
يا بخور جاوي مالك زي
بخر بخر شيل الجان
إحنا ف عرض النبي سلمان
حابس حابس
كابس كابس
يانا يا وعدي
أتريب غالية وسبب سعدي
بنها وكانت من أتريب
شاور تلقي الكل حبيب
وحوي يا وحوي
ده كلام مصري ولا هوش نحوي
قول " اياحة " وقول بصراحة
تطلع إيه الكلمة دهية !!!
يا لله وليك من عندي هدية
وهديتي أحسن حجاب
يمنع العين والحسد
ولكل داء
حي حي حي ومدد من غير عدد
..
يخرج الدرويش ...إظلام ...
إضاءة ؛ فيظهر تل أتريب يتوسط المسرح ...يبدو الدرويش مقبلا نحو التل "
تل أتريب المتبقي " وفي يده المبخرة ...
يجثو علي الأرض مؤديا بعض التعازيم علي البخور المتصاعد ..
الدرويش :
م التل
خد م التل
خلي العدو ينغل
والسر يبقي ف بير
يلمس ندا م الطل
وكل شيء بميعاد
للعقدة دايما حل
الحل يا سلطان
اظهر وشوف لك حل
ينبجس من قمة التل دخان كثيف ؛
ومن خلاله يظهر جني تقدح عيناه الشرر..يقهقه محدثا الدرويش ...
الجني :
تل أتريب اللي فاضل
من زمان وانا بحرسه
ايه اللي عاوزه يا تري !!
مش مسخرة
لمن تنادي ع اللي نايم !!!
انت مش سامع شخيري !!
ولا جه ف ودنك طرش !!
ها ها ها
الدرويش :
الظاهر كده !!!
الجني :
يعني انطرشت !!
طب حيث كده راح اسمعك
وشخيري يبقي بالقوي
يحدث الجني غطيطا مزعجا ؛ فيتأوه الدرويش ؛
ويضع كفيه فوق أذنيه..
الدرويش :
أرجوك
كفاية بقي
راح انطرش
يستر مقامك ربنا
عاوز هدية م الفراعنة
ضهري انكسر
والعمر ولي من زمان
الناس عنب واحنا فراطة
لا عندي أرض ولا حراتة
الجني :
فراطة إيه !! ما بتشتغلش !!
الدرويش :
أصل البخور ده صنعتي
والناس ما عدش يهمهم
لا بخور يهم ولا حتي الفسوخ
قالم بقي كفاية دجل
وبقيت أنا شحات فقير
الجني :
ما قدرش افرط في الكنوز
التل متعبي بدهب
التل متعبي بياقوت
غير التمايم والتوابيت العجب
التل فيه بردي ومكتوب من زمان
حتي القطط متحنطة
القطة " بيسة "
مش عارفها
آه يا جاهل
ربة المزيكة والمغني الجميل
ومحنطين برضه القرود
وابن آوي
وضباع متكتفة ومتسمنة
أتريب تقدس كل صنعة ربنا
كل خلق الله بتقدسه
مش زيك انت بتدهسه !!
أصلك ياصاحبي مفتري
ها ها ها
الدرويش :
أنا مفتري !!!!
أبدا وحق المصطفي
الجني :
اخرس يا جاهل يا غبي
هس انكتم
لم ع اللي معاك يا ترللي
كل الدول أخدت وشربت علمنا
واتطورت
حتي النموسة عرفتهم كيف الحقن
القرد واخدين حكمته
م النمل واخدين النظام
والنحل واخدين همته
ف جمع العسل
جوة العيون الهندسة
الدرويش :
دنا من زمان ...
الجني :
اخرس وهس
اوعك تبلبس بالكلام
يا أرندلي
خدوا م الفراعنة كل ده
خدوا نحتهم
خدوا فنهم
خدوا رسمهم
حتي الكتابة والحروف
صاغوا الحروف من حرفهم
سر اللغة من سرهم
سبكوا الحروف المصري برضك عندهم
لجل المطابع تشتغل
وانت يا مصري تشتري
تشتري حتي اللغة
اللي جدودك فننوها
تطلع كتبهم " بالكوي " غالية ونار
الدرويش :
ما هو أصلنا ...
الجني :
اخرس
اكتم علي الدم "قيحك "
أتريب خلاص ماضي انصرم
خدوا علمنا
حطوه ودوغري ف حضنهم
حتي المتاحف عندهم
جم طعموها بنحتنا
والموميا عرفم سرها
وايه قصدها
حتي الوراثة هندسوها
قايمين خلاص يستنسخوا
م الموميا انسان من جديد
علشان يعيد
يحكي عن الماضي البعيد
الدرويش :
بالذمة ايه !!!
الجني :
اخرس
أخدت ايه م الدروشة !!
اسرح هناك عند الهرم
امسك حجارته وجسها
مين البطل اللي نحتها ورصها
م الأرض ح تطول السما
والا انت يعني حد طسك في نواضرك
وانعميت !!!
اعمي حجر ..
الدرويش :
نواضري أهه
الجني :
هس انكتم
لاخدك في بوزك
يا فرحتي بعنيك يا خويا
آه يا خويا
يا بن امي وابويا
لما انت يعني عنيك سليمة مفنجلة
مالك بقي !!
م تحق بيهم في الآثار
واعرف بلادك هي ايه !!
وانهض بقي من كبوتك
من بلوتك
الخلق واخدين من آثارك شيء كتير
الفن بيه يتقنزحوا
وانت اللي بادعه بتهمله
وقاعدلي تشحت !!
م اللي يسوي واللي كان عمره ما يسوي
الدرويش :
أنا يا جني ..
الجني :
اخرس ...هاهاها
يختفي الجني ..إظلام ،،،
تعريف بالمؤلف :
هو الصديق الأستاذ جمال شاكر مؤلف هذا الأوبريت البديع ..
وهوشاعر وروائى وقاص ورسام وخطاط وممثل فى فرقة القليوبية , وهو كما نرى فنان شامل , وله بحث مهم بعنوان أتريب الحضارة منشور فى المنتدى بعنوان : خرائب تل أتريب , وقد طلبت منه من سنوات أن يكتب هذا الأوبريت بالفصحى لكى نمثله فى فريق المسرح المدرسى , فأعاده بالفصحى مشكورا , ويدل ذلك على قدرته , ومدى حبه لتاريخ أتريب
وأنا أدعو الزملاء والزميلات مشرفى المسارح المدرسية فى القليوبية
لأداء هذا الأوبريت , وهو بالعامية , أو الأوبريت الآخر بالفصحى
وسوف نضع كل مانستطيع من نصوص مؤلـَّفة فى المنتدى
خدمة للمسرح المدرسى ,
لأن أحد الطرق الرائعة للتعليم الممتع هو المسرح المدرسى
فهو نشاط رائع يعطى للعملية التعليمية بعدا جماليا أعمق وأجمل
ويترك أثرا دائما , ويوسع أرواح المتعلمين والمتعلمات
ودور المسرح عموما فى المجتمع دور ثقافى مهم
ومعظم الممثلين البارعين كانوا ممثلين مسرح بارعين أولا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ورغم أن الأستاذ الفنان جمال شاكر , من مواليد الإسكندرية
ولكنه عاش معظم عمره فى بنها , وخدم أتريب كثيرا بهذه المؤلفات
الجميلة المفيدة , فهو أحد المهتمين الكبار بالتاريخ الفرعونى , وخاصة تاريخ أتريب
وهو من القلائل الذين عبروا بفن عن روعة وجمال وخصوصية الريف المصرى
وبعد أدعو الجميع للاستمتاع بهذا الأوبريت الممتع عن أتريب الحضارة
أوبريت بالعامية تأليف
م / "جمال شاكرعلي هارون "
مقطع من لوحة بائعة التين للفنان جمال شاكر
ألوان مائية على خشب
مجموعة :
حتا حر إيب ..حتا حريب
إنت تعرف يعني معني الإسم إيه !!
يعني إقليم الوسط ..والنفوذ فيها انبسط ..هيا أتريب الحضارة ..والمنارة ...
مجموعة :
راح ده كله ..مش فاضل غير التلال والخرايب ...
والخرايب مالها نايب
م النهايب
اللي واخدنها ف فرنسا ..قول ولندن ولا بون
يفتنوا بيها العيون
غرب أتريب اللي فاضل
علوا من فوقها المباني
والبلد سموها بنها
مزرعة جميز كبيرة والثمر تدي لجيرانها
مجموعة :
أتريب ...أتريب ...
مجموعة :
مين قال أتريب أتريب !!!
مجموعة :
إحنا أولادكم طلعنا ما لقيناش غير الآثار ..!!
روحتوا فين يا هل المنار !!!
يا منار العلم قولوا روحتوا فين !!!
مجموعة :
احنا نايمين في التوابيت اللي شايفينها هناك
من حجر صوان
من جرانيت الجبل
نقش فوقها مين بقي راح ينكره
واللي بان له منه آخر
راح يبان له أوله
مين ح يشهد إن أتريب كان يتوجها الهرم !!!
فين بقي هو الهرم ؟؟؟
فين بقي هو الهرم ؟؟؟
مجموعة :
دوروا جوة الخرايب
يا ما في الدنيا عجايب !!
مجموعة :
بطلوا ما تدوروش
د الهرم راح وانصرم
كل أحجاره خدوها
يبنوا بيها
أو عليها
خربوا يعني الهرم
خربوه
خلوا طرفه جه في سفحه
طربقوه
يا أمنحتب تعالي
لجل ما تبكي الهرم
دانت بانيه يا بن حابو
دانت عبيت من ترابه
كنت معبود يا مهندس
يا وزير
من نبوغك أللهوك
من جموع الشعب مرفوع
كرموك
مجموعة :
حور يا معبود الجميع
يا للي اسمك شيء بديع
إنت صقر يعني " باز "
أو شاهين
قولي طرت لحد فين !!!
جوة عين الشمس طاير
تحكي ليها ع اللي صاير
أور !! أور !! أور !!
هو : تور
هو تور إسود عظيم
معبود كريم
يحرت الأرض الخصيبة
أرض أتريب الحبيبة
مجموعة :
كل فرعون يخشي أمرك
سابوا أمرك
ولأوامرك
جيش وكان لك من زمان
كان قوامه عشر تلاف
كش منه الكل خاف
مجموعة :
كل قمحك يبقي ليكي
يجبوا م الكل الضرايب إلا انت
للملوك عمرك ما لنتي
مجموعة :
ابن خيتي حب مرة يخضعك
حط سد ف عرض نيلك لجل ما يعطل ملاحة
والفلاحة
سهمه طاش والقمحة طلعت سنبلة
ومسبلة
الرمش الكحيل
وف حضن نيل
مجموعة :
قناع الملكة تاخوتى من كتاب : نهاية مدينة فرعونية
للأستاذ / الحسينى صالح
يا تاخوتي ...يا تاخوتي
إنت زوجة بسماتك
واحنا شايفين بسمتك
فوق محيا موميتك
جوة تابوت حضرتك
كان في أتريب اندفن في المقبرة
يا مأصلة
بس دلوقت انتقل للقاهرة
مجموعة :
روح وشوف الحمامات الرومانية
ما تلاقيش إلا مثيل ف اسكندرية
مجموعة :
هدريان الملك تمثاله لقيوه في الخرايب
أرض أتريب شايلاهوله من زمان
ف اعجب مكان
متحف الرومان خده ف اسكندرية
جاله من اتريب هدية
مجموعة :
ملجأ الأيتام في بنها تحته موجود مقبرة
مواتوام ...الرعمسي...
الرعمسي
الرعمسي
رئيس رماة أتريب في أيام ما كانت عامرة
مجموعة :
النيل يقدم للملك سخم كارع قربان عظيم
اللوحة دي بتقول كده
معناها إيه !!
معناها إيه!!
معناها إيه !!
معناها انهم ما رموش البنت للنيل : عمرهم !!
يا كدبهم
بيشوهوا الماضي الجميل
بيشوهوا الفن الأصيل
دا الكحل جوة المكحلة
ويا المراود يا ولة
وازاي بقي يرموا الكحيل !!
يا عين يا ليلا!!
وعشان كده لزمن أأكد فكرتي
أسأل حورية م اللي ماشيين بالزلع
خفة ودلع
متعصبين بالفل مناديلهم بأوية
والخلاخيل اللي خايلة ع القدم
بنت الهرم
مجموعة :
هزي كورنيشك يا حلوة قولي للخلق الحقيقة والمليقة
الفتاة :
فشر..فشر ..
والله عمره إن كان حصل
لما يرموني هدر
لولي انبدر
تمساح غدر
مين ح يملي ؟؟
مين ح يعجن ؟؟
مين يدجن ؟؟
مين ح يحلب في المجور ؟؟
مين يمسق للطيور؟؟
بتوتنا مين ح يخبزها بدرة ؟؟
والدرة دايما درة
والمشنة مين ح يملاها بعنب ؟؟
واللبن مين راح يخضه ؟؟
أو يرضه ؟؟
في القرب ويصفي زبدة ؟؟
مين يلم الشهد وكيزان العسل ؟؟
مين يحط الجبنة في البلاص وتقدم بالسنة ؟؟
مين ؟؟ مين ؟؟مين ؟؟ مين ؟؟
سرويري يا عين سرويري
والله لدوقكوا فطيري
يدخل علي الفتاة خمس فتيات تحملن أقفاص البرتقال
وترقصن وتندمج الفتاة "بسادة "حاملة الزلعة والإبريق معهن
آه ياسلام ع البرتقان
آخر حلاوة .آن الأوان
يا برتقان حبيبي
جابلي الكردان حبيبي
روحي يا فصوص الشوق
سلميلي علي حبيبي
آدي برتقان
وآدي برتقان
انتاج بلدنا بنها العسل
أصل الحكاية برتقان
ولكل شيء معني
ده برتقان شموتي يا واد
وده سكري
دوق واشتري
وده يا فاوي
يا اللي انت غاوي
وابو سرة يتمايل
ع الفرع لما يميل
والبلدي قال ردوا السلام
آه ياسلام ع البرتقان
آخر حلاوة ..آن الأوان
تخرج الفتيات ما عدا " بسادة " حاملة الزلعة والإبريق ؛
وتدخل خمس فتيات تحمل كل منهن مشنة وقفصا صغيرا له يد طويلة
" تكنة " ممتلئا بالمشمش؛ وترقصن ...
عمار يا مشمش
مشمش عمار
مشمش هدية
مشنة من فوق راس البنية
سجرنا يفرش
بنور مدندش
محلاها فاكهة م القليوبية
..
فكهاني يا عم يا فكهاني
المشمش خدني ووداني
لعمار المشمش ومييه
ميت فل وعشراية عليه
مشمش هدية
محلاها فاكهة م القليوبية
إشي شفتشي
واشي مختشي
واشي خده لحمر منتشي
اشي واشي يا مشمشي
مشمش هدية
محلاها فاكهة م القليوبية
..
أوراق قلوب ومسبسبة
والحبة ناعمة غريبة
سكر وقشطة مدوبة
عمرك قصير ليه يا لوز !!
طب دانت فوق سجرك كنوز
مشمش هدية
محلاها فاكهة م القليوبية
..
مناديل بأوية فوق السجر
والأوية فوق وش القمر
والزهر كان عنده خبر
قال للدهب اطلع وبان
ياللي انت غايب من زمان
مشمش هدية
محلاها فاكهة م القليوبية
..
عصير هنا ولا المربة
وكل ده من خرج حبة
فيها الحلاوة بتستخبي
في كل عام نفس الميعاد
وخيره بيعم البلاد
مشمش هدية
محلاها فاكهة م القليوبية
..
يا حلوة هلي واديني طورة
خفي المشنة من فوق دي أورة
منايا نفسي أرسمها صورة
والزينة ماشية عاوجة المشنة
ملانة فاكهة من طرح جنة
مشمش هدية
محلاها فاكهة م القليوبية
..
تخرج الفتيات وتدخل أخريات تحمل كل منهن مشنة بها حناء ؛
وتهتف إحداهن ـ الحنة الشعنونة ...الحنة البلدي الفرعوني ..من ميت كنانة الحنة يا بنات ...
ثم تبدأ الفتيات في الرقص :
آه ياقدم السعد يا متحني
نقشك زينة
منقوش والنقش جميل فني
صنع ادينا
من ميت كنانة يا حنتنا
يا خايلة في كفوفُ عروستنا
حنوا الكفوف
حنواالقدم
دي حنة شوف
تحلي القدم
حنوا العروسة
حنوها حنوا العريس
حنوه
حنتنا تخرط نور
في كفوف بنات الحور
يا حنة خضرة يا شعنونة
ناقشك فراعنة اللي جابونا
عروسة يوم دخلتها
تملي القدم والكف
سبع قلل في أوضتها
عريسها راح ينزف
بلدي يابلدي يا نا يا وعدي
يا ضفيرة دهب
بلدي يابلدي يانا يا وعدي
وأنا عقلي دهب
دي حنة بلدي انما حنة
خشبها وضفايره مشنة
مشنة تنفع لرغيفك
خضار فواكه علي كيفك
قفاعة للكتاكيت
خد منها للقطاقيط
..
تخرج الفتيات ؛ ما عدا " بسادة " وتدخل أخريات تحملن أقفاص البلح وترقصن:
يا مقمع قوي يا بلحنا
وسباطك بيفرحنا
البنطنطيف متدلي
وسعف من فوقه يا خلي
حياني إنما حياني
وبلحنا رطب وسماني
يا نواية يا متغطية
والطربوش فوق عمية
نفسي ف بلحة رطباية
وأشيل نوايتها معايا
أزرعها ف أرض جنينة
وسعفها يضلي علينا
م المرج يا قمع حلاوة
وحلاوته ولا البقلاوة
احجل يا حزام
طللعني قوام
فوق النخلة
طرح صراحة
فشر الواحة
خارجة وداخلة
يا سعف ياجريد
يا اللي انت بعيد
جابك منجل
عداية قفاص
وبكل مقاس
شوف واتفنجل
@@
يدخل رجل مسن له لحية طويلة يتوكأ علي عكاز طويل
ويبدو بجلباب رث؛ وهنا تخرج الفتيات مهرولات لمجرد رؤيته ؛
ولا تبقي غير بسادة :
الشيخ ـ الحلوة مين ؟؟وليه ما روحتيش زيهم !!!
الفتاة ـ يعني أسيب جدي الكبير من غير ما شوف محتاج لإيه !!حقة تبقي بذمتي قلة نظر...
يجلس العجوز علي الأرض مريحا جذعه إلي جذع شجرة قريبة ؛ وتسقيه الفتاة من إبريقها :
الشيخ ـ أصلك يا بنتي طيبة ..من بيت أصيل ..أتريب بلد أصل وكرم ...رباكي ابوكي ع الأصول...أصل الزمان روح خلاص ...فاضل يادوب حبة زمن ...حبة فتات متلملمين ...الله بقي يرحم زمان ...عارفاني أنا م العمر كام ؟؟
الفتاة ـ كام يا جدي ؟؟
الشيخ ـ المية فوقهم نصهم !!
الفتاة ـ بالذمة إيه !!
الشيخ ـ آي والنبي ..ومراتي ماتت من زمان ...حتي العيال ماتم كمان ..ما فضلش من عيلتي يدوب إلا أنا ..قاعد وحيد..والظاهر إن الرب نفذ للعباد كل الدعا ....
الفتاة ـ إيه الدعا !!
الشيخ ـ اكمني طيب مستقيم ؛ وكمان كريم ؛ كان كل واحد يدعي لجل ما يطول حياتي ؛ وآديها طولت بالقوي ...ربك قوي ...والحلوة ..بدستور ...متجوزة ؟؟
الفتاة ـ أبدا يا جدي والنبي ...حبيت جدع طيب أمير ..أخلصت له من كام سنة ..لكن بقي ما طلبش إيدي لوقتنا !!
الشيخ ـ كفي الله الشر ..ليه !!!
الفتاة ـ الإيد قصيرة ...فين شبكته !! فين الدهب !!
الشيخ ـ إكمنك انت طيبة ؛ ح بوح بسري لجل بنتي ...
الفتاة ـ قول يا جدي قول ...
الشيخ ـ أنا من زمان شايل دهب ...
الفتاة ـ شايل دهب !!!
الشيخ ـ أيوه ...وطي صوتك ..دمفيش جدار من غير ودان ..بفحت في مرة جوة داري من زمن ..قومت التقيت زلعة عجب !!وفتحتها ..طلع الدهب عمال بيضوي ..اسمع يا بنتي عن جدتي إن كان فيه معبودين ؛ واحد اسمه " حر " والتاني "تور " اسود جميل ...كانوا يعني يقدسوه ؛ ويوهبوه حتي الدهب ...ما هو برضه خلقة ربنا خلقة شريفة ؛ كان بيحرت أرضنا ...القمح يطلع في السنابل زي لولي بينبدر ...قالت كمان كان فيه أمير اسمه " أمرني فتاح " ...فينك ياجدة تحكي اللي كان واتفق !! قالت لي إن أتريب كان من فوقيها تلال كتير !! عشرين ..كان فيه هرم بيحجوا ليه ..كان يا بنتي وياما كان ..المهم ...طلع الدهب كله حناش ؛ وفصوص فروز...وكمان ياقوت ...بعت اللي بعته في الخفي لواحد غني جاي من فرنسا ؛ مفضلش غير كردان عجب ؛ وكمان معاه حبة أساور صنع مصري م الفراعنة ...ح اديهملك ...أصلك انت زي بنتي ؛ أما أنا كام خطوة ولقبر العدم ...
يخرج الشيخ متوكئا علي عكازه وعلي الفتاة بسادة ؛ ثم يدخل مجموعة من الشباب والفتيات ومعهم بسادة وقد زينت بذهب قدماء المصرييين؛ يشرع الجميع في الرقص ....
يا حلوة زاينك دهب
والخد رماني
يالي جمالك عجب
آهين وآه ياني
..
نجم السما م السما
نازل وبيهني
قال سمرة ومسمسمة
والكعب متحني
شوف قدها شوف شوف
مين زيها شوف شوف
يا حلوة زاينك دهب
والخد رماني
يا للي سمارك عجب
آهين وآه ياني
..
العود السارح جارح
والشعر ف طولك سارح
وعيونها عيون غزالان
وخدود حب الرمان
يا مسك ياجاوي يا عنبر
يا فل يا ورد معطر
الحلوة دي من أتريب
وجمالها للقلب طبيب
شعرك مصفوف ضفاير
البنت المعجبانية
فجرك هل ببشاير
والعيشة معاك هنية
شوف قدها شوف شوف
مين زيها شوف شوف
يا حلوة زاينك دهب
والخد رماني
يا للي جمالك عجب
آهين وآه ياني
..
من فور انتهاء الرقص : يدخل درويش علي الفتيات والشباب الراقص
وهو يهز مبخرته وقد انبعث منها دخان البخور
كلام بترتيب من عهد ثمود وعاد
الرزق مش بالفصاحة
دي أصلها أوعاد
يا للي علي خدودك صحون لوراد
توهت عقلي ونستني جميع لوراد
حي ...حي ...
يستجيب الراقصون للدرويش ويندمجون معه في الغناء والرقص ..
المجموعة :
حي وحي وحي وحي
جاوي بخورك ماله زي
الدرويش :
يا بخور جاوي مالك زي
بخر بخر شيل الجان
إحنا ف عرض النبي سلمان
حابس حابس
كابس كابس
يانا يا وعدي
أتريب غالية وسبب سعدي
بنها وكانت من أتريب
شاور تلقي الكل حبيب
وحوي يا وحوي
ده كلام مصري ولا هوش نحوي
قول " اياحة " وقول بصراحة
تطلع إيه الكلمة دهية !!!
يا لله وليك من عندي هدية
وهديتي أحسن حجاب
يمنع العين والحسد
ولكل داء
حي حي حي ومدد من غير عدد
..
يخرج الدرويش ...إظلام ...
إضاءة ؛ فيظهر تل أتريب يتوسط المسرح ...يبدو الدرويش مقبلا نحو التل "
تل أتريب المتبقي " وفي يده المبخرة ...
يجثو علي الأرض مؤديا بعض التعازيم علي البخور المتصاعد ..
الدرويش :
م التل
خد م التل
خلي العدو ينغل
والسر يبقي ف بير
يلمس ندا م الطل
وكل شيء بميعاد
للعقدة دايما حل
الحل يا سلطان
اظهر وشوف لك حل
ينبجس من قمة التل دخان كثيف ؛
ومن خلاله يظهر جني تقدح عيناه الشرر..يقهقه محدثا الدرويش ...
الجني :
تل أتريب اللي فاضل
من زمان وانا بحرسه
ايه اللي عاوزه يا تري !!
مش مسخرة
لمن تنادي ع اللي نايم !!!
انت مش سامع شخيري !!
ولا جه ف ودنك طرش !!
ها ها ها
الدرويش :
الظاهر كده !!!
الجني :
يعني انطرشت !!
طب حيث كده راح اسمعك
وشخيري يبقي بالقوي
يحدث الجني غطيطا مزعجا ؛ فيتأوه الدرويش ؛
ويضع كفيه فوق أذنيه..
الدرويش :
أرجوك
كفاية بقي
راح انطرش
يستر مقامك ربنا
عاوز هدية م الفراعنة
ضهري انكسر
والعمر ولي من زمان
الناس عنب واحنا فراطة
لا عندي أرض ولا حراتة
الجني :
فراطة إيه !! ما بتشتغلش !!
الدرويش :
أصل البخور ده صنعتي
والناس ما عدش يهمهم
لا بخور يهم ولا حتي الفسوخ
قالم بقي كفاية دجل
وبقيت أنا شحات فقير
الجني :
ما قدرش افرط في الكنوز
التل متعبي بدهب
التل متعبي بياقوت
غير التمايم والتوابيت العجب
التل فيه بردي ومكتوب من زمان
حتي القطط متحنطة
القطة " بيسة "
مش عارفها
آه يا جاهل
ربة المزيكة والمغني الجميل
ومحنطين برضه القرود
وابن آوي
وضباع متكتفة ومتسمنة
أتريب تقدس كل صنعة ربنا
كل خلق الله بتقدسه
مش زيك انت بتدهسه !!
أصلك ياصاحبي مفتري
ها ها ها
الدرويش :
أنا مفتري !!!!
أبدا وحق المصطفي
الجني :
اخرس يا جاهل يا غبي
هس انكتم
لم ع اللي معاك يا ترللي
كل الدول أخدت وشربت علمنا
واتطورت
حتي النموسة عرفتهم كيف الحقن
القرد واخدين حكمته
م النمل واخدين النظام
والنحل واخدين همته
ف جمع العسل
جوة العيون الهندسة
الدرويش :
دنا من زمان ...
الجني :
اخرس وهس
اوعك تبلبس بالكلام
يا أرندلي
خدوا م الفراعنة كل ده
خدوا نحتهم
خدوا فنهم
خدوا رسمهم
حتي الكتابة والحروف
صاغوا الحروف من حرفهم
سر اللغة من سرهم
سبكوا الحروف المصري برضك عندهم
لجل المطابع تشتغل
وانت يا مصري تشتري
تشتري حتي اللغة
اللي جدودك فننوها
تطلع كتبهم " بالكوي " غالية ونار
الدرويش :
ما هو أصلنا ...
الجني :
اخرس
اكتم علي الدم "قيحك "
أتريب خلاص ماضي انصرم
خدوا علمنا
حطوه ودوغري ف حضنهم
حتي المتاحف عندهم
جم طعموها بنحتنا
والموميا عرفم سرها
وايه قصدها
حتي الوراثة هندسوها
قايمين خلاص يستنسخوا
م الموميا انسان من جديد
علشان يعيد
يحكي عن الماضي البعيد
الدرويش :
بالذمة ايه !!!
الجني :
اخرس
أخدت ايه م الدروشة !!
اسرح هناك عند الهرم
امسك حجارته وجسها
مين البطل اللي نحتها ورصها
م الأرض ح تطول السما
والا انت يعني حد طسك في نواضرك
وانعميت !!!
اعمي حجر ..
الدرويش :
نواضري أهه
الجني :
هس انكتم
لاخدك في بوزك
يا فرحتي بعنيك يا خويا
آه يا خويا
يا بن امي وابويا
لما انت يعني عنيك سليمة مفنجلة
مالك بقي !!
م تحق بيهم في الآثار
واعرف بلادك هي ايه !!
وانهض بقي من كبوتك
من بلوتك
الخلق واخدين من آثارك شيء كتير
الفن بيه يتقنزحوا
وانت اللي بادعه بتهمله
وقاعدلي تشحت !!
م اللي يسوي واللي كان عمره ما يسوي
الدرويش :
أنا يا جني ..
الجني :
اخرس ...هاهاها
يختفي الجني ..إظلام ،،،
تعريف بالمؤلف :
هو الصديق الأستاذ جمال شاكر مؤلف هذا الأوبريت البديع ..
وهوشاعر وروائى وقاص ورسام وخطاط وممثل فى فرقة القليوبية , وهو كما نرى فنان شامل , وله بحث مهم بعنوان أتريب الحضارة منشور فى المنتدى بعنوان : خرائب تل أتريب , وقد طلبت منه من سنوات أن يكتب هذا الأوبريت بالفصحى لكى نمثله فى فريق المسرح المدرسى , فأعاده بالفصحى مشكورا , ويدل ذلك على قدرته , ومدى حبه لتاريخ أتريب
وأنا أدعو الزملاء والزميلات مشرفى المسارح المدرسية فى القليوبية
لأداء هذا الأوبريت , وهو بالعامية , أو الأوبريت الآخر بالفصحى
وسوف نضع كل مانستطيع من نصوص مؤلـَّفة فى المنتدى
خدمة للمسرح المدرسى ,
لأن أحد الطرق الرائعة للتعليم الممتع هو المسرح المدرسى
فهو نشاط رائع يعطى للعملية التعليمية بعدا جماليا أعمق وأجمل
ويترك أثرا دائما , ويوسع أرواح المتعلمين والمتعلمات
ودور المسرح عموما فى المجتمع دور ثقافى مهم
ومعظم الممثلين البارعين كانوا ممثلين مسرح بارعين أولا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ورغم أن الأستاذ الفنان جمال شاكر , من مواليد الإسكندرية
ولكنه عاش معظم عمره فى بنها , وخدم أتريب كثيرا بهذه المؤلفات
الجميلة المفيدة , فهو أحد المهتمين الكبار بالتاريخ الفرعونى , وخاصة تاريخ أتريب
وهو من القلائل الذين عبروا بفن عن روعة وجمال وخصوصية الريف المصرى
وبعد أدعو الجميع للاستمتاع بهذا الأوبريت الممتع عن أتريب الحضارة
